आज किन

अनायसै आज किन भरिएछ गह पनि
सुकाउँछु भन्दा भन्दै छल्की दियो दह पनि

भरिएको गह बोकी बाटो खोज्दा अध्यारोमा
धर्ती किन उज्याल्दैन? यही बेला टह पनि

टहै बिना भए पनि भाग्य कोर्छु भनेकोथेँ
ठेस लाग्यो त्यहीनिर पोखियो कि सह पनि

छल्किएका दहहरु साम्य शान्त पार्छु भन्दा
सधैं हलचल हुन्छ किन?मेरो मात्र बह पनि

दर्जा श्रेणी के के मिलान भन्छन आज मान्छेहरु
देखिन त कुन होला मेरो आफ्नो तह पनि